ماتبنيش الأمل فيا بحبة قش
وماتعلقش أوهامك قصاد الريح
وخبي شعورك الزايد ف جوف جوفك
تعيش عاقل وأحلامك ماتتشبكش .
.....
رسمت الأرض ليا براح
وقلت: ازرع
زرعت حنان
لكن ياخساره
ليك مطرحش
بنيت حلمي علي جدرانك الصوان
ليتحمل
سواه الريح بأحلامي وما اتحملش
...
فقول ازاي هاترضى لي أعيش مظلوم
أقول فرحان وأنا شايل ف قلبي هموم
أسيب الصبر يحرقني بنار قايدة
ما بكره النار ف هفوتها تقيد القش
الى الأعلى
المصدر: الجزيرة مباشر مصر
