طبق كشري من المصري
طبق حصري
يكفي ميدان
معاه تقلية وبشطة وببدنجان
وهات لي كمان معاه سلطة...
وكتر لي من الدقة
أنا طهقان
عشان نفسي اللي مسدودة
مانيش عاوز بابا غنوج
مادام الشهدا خدعونا وماتوا فطيس
مادام الثورة مش عاوزة تعيش برئيس
مادام الحق مش طبع الأفندية
مادام الشعب نصه كلاب مالوش دية
فهات صلصة تفكرني بدم شهيد
وهات العدس بالجبة وبالقفطان
وهات الرز متنقي
مادام صوتي ماهوش حقي
مادام فيه حد يلحقني بحمص شام
وهات الحلو حبة غاز
مادام ناوي تعيش محووج
أنا أقبل بأيها شيء
مادام كل الوطن تلفيق
لكن رافض طلب واحد
ومش عاوز كمالة عليه
مانيش طالب قضاء معووج
مادام الآمر الناهي
بابا غنوج
الى الأعلى
المصدر: الجزيرة مباشر مصر
