أنا فيّـه منِّكْ وفيكِ
من قلبي: حزن ف عينيكِ
و تضيعي، وتجيلي تانــي
***
ح تلاقى شجرة في ليلها
أنا في نايات مواويلهـا
وقطوف غرامِكْ: حنانى
***
ح تلاقى مركب في نيله
وكام قمر بيناديلـه
شربوا في عيني الأماني
***
على الغروب في الفساقي
مكتوب: غرامي اللي باقي
ولو بهجرك فناني
***
خليت غرامِكْ حضـارةْ
في اسكندرية الفنــارةْ
والأهرامات من ديوانـي
***
من عين جالوت للقنالْ
ومهر دمي الحـلال
أكتوبـر الرمضاني
الى الأعلى
المصدر: الجزيرة مباشر مصر