زى النهاردا و الفجر نــــــدّى
على أغلى وردة كانت ف شٍدة
مصر اللى قامت تحْيى وجودهــا
بخطاوى هِمـــة ع النصر مادّة
خُـطاها: شعبك يا مصر عـــدّى
من الهزيمــة : لقمــر تبدّى
زى النهاردا
...
و الوردة ترسم فجرنا
سقياها روحنا و دمنا
كنا فداها كلنا
عزم التحدى دا مجدنــا
لو مين تحــــدّى : زى النهار دا
...
زى النهـاردا آن الأوان
قلوبنا يرجع لها الحنان
نضم حضن الوطن كمـان
و دى أغلى ضمّـة من أغلى والدة
القلب نصّين: سوريا ومصــر
ومن ما بينهم: النبض نصر
صلينا ضُهر و قبلك يا عصــر
كان اتزرع للأمــــة وردة
...
زى النهاردا
و انا لسه فاكـر
دمانا كان حبر الدفاتــر
إفتح كتاب التاريخ و ذاكـر
نورالشهـادة ف سطوره نًــــدّى
...
زى النهاردا: البرتقـان
كان له ف قلوبنـا طعم الحنــان
قال للجوافة تطرح كمـــان
دا المُر سارح بقاله مُـــــــــدة
...
زى النهاردا يا شعب عربــى كان أغلى حلم للوحدة طال بى
لقيت خـوات العروبة جنبــى
وف لحظـة قامت أغلاها وحـدة
...
أخويا قايم ياخد بإيـدى
يقول : نشيدك هوّه نشيــدى
زيدى يا وحدة قلوبنــا زيدى
مصيرنـــأ واحد يا أمة واحــدة
زى النهـاردا
• شاعر يكتب بالفصحى وأكثر من لهجة عربية. حصل على العديد من الجوائز
