باصرخ بأعلى صوتي
يا جرح مصر كفايه نزيف
ليه الليل بيزيد سواد
والسواد بقى مخيف
والدنيا بقت غابه
ضايع فيها الضعيف
***
ليه أرضك يا مصر
اتلونت بالدمّ
وجرحك ما يتلم
وليلك الطويل
مليان بالخوف والهمّ
***
يا مصر على أرضك
الحق ليه ضايع
والمخلصين من ولادك
بيموتوا فى الشوارع
واللي خانك وهانك
في حكمك لسه طامع
***
لكن لازم أكيد
الحق بكره يعود
من بسمة الشهيد
ح تفتّح الورود
وترجع مصر تاني
وتنوِّر الوجود
الى الأعلى
المصدر: الجزيرة مباشر مصر
