النار بتاكل نفسها
النار بتاكل نفسها من غلها و من يأسها ..
و الروح يا رب بقدرتك مفيش شيطان هيمسها ..
النار بتاكل نفسها من غلها و من يأسها ..
و الروح يا رب بقدرتك مفيش شيطان هيمسها ..
............................
احنا اتخلقنا مسلمين
رباعيات فى حب الله شعر
احنا اتخلقنا مسلمين ...... و خاشعين ..
نطلب رضاك و مفيش سواك و بنور جلالك نستعين
........................
يارب ذنوبي بخفيها
يارب ذنوبي بخفيها مرايته الروح تبان فيها
تفور من العين سبع براكين في بير زمزم بطفيها
يارب ذنوبي بخفيها مرايته الروح تبان فيها
تفور من العين سبع براكين في بير زمزم بطفيها
.........................
شجرة قلبي
شجرة قلبي تملي بصونها و دموع روحي علي اغصانها
شجرة قلبي تملي بصونها و دموع روحي علي اغصانها
لما تغيب الشمس عليها نور سبحانه بيطمنها
نور سبحانه بيطمنها
......................
يا الهي الرحيم
يا الهي الرحيم الأمن الأمان ...
من الشيطان الخفي و الشيطان اللي بان
من عيون العدو و من عيون الصديق
من سؤال اللئيم و الخسيس و الجبان
يا الهي الرحيم الامن الامان
...................................
عليه العوض
عليه العوض منه العوض مقبلش من غيره العوض
يا رب راضي بقسمتي بالفقر و الجوع و المرض
عليه العوض منه العوض مقبلش من غيره العوض
يا رب راضي بقسمتي بالفقر و الجوع و المرض
..................................
بخاف من الضحكه
بخاف من الضحكة و التكشيره واللي في قلبه يداري الغيره
خاف من الضحكة و التكشيره واللي في قلبه يداري الغيره
من اللي بيضحك و بيحسدني و عين القلب يا رب بصيره
................................
بناديلهم و بسمعهم
بناديلهم و بسمعهم و بدعيلهم تشبعهم
بناديلهم و بسمعهم و بدعيلهم تشبعهم
متحوجهمش لحد يا رب و لا لمخلوق يجوعهم
...............................
أمك و أبوك
امك و ابوك علطول حبوك ليه انت بقيت غصن من الشوك
ادعي لربك يغفر ذنبك و افتح قلبك لما يعاتبوك
امك و ابوك علطول حبوك ليه انت بقيت غصن من الشوك
ادعي لربك يغفر ذنبك و افتح قلبك لما يعاتبوك
............................
بضحي بروحي مش نادم و احس اني بني ادم
يا رب نفسي اعيش فرحان و اموت مظلوم و مش ظالم
بضحي بروحي مش نادم و احس اني بني ادم
يا رب نفسي اعيش فرحان و اموت مظلوم و مش ظالم
.....................
ياا رب سلم
يا [عذراً, الأعضاء المسجلين ذوي العضوية النشطة فقط هم المصرح لهم برؤية الروابط. ] يا لله
يا رب سلم منهم من غلهم و جهلهم
يا رب سلم منهم من غلهم و جهلهم
و ازرع في قلبي المغفرة لما يزيدو في ظلمهم
...........................
رب الحياة و الموت
رب الحياة و الموت بخاف انام لا اموت
ببكي في احلامي من غير دموع و لا صوت
رب الحياه و الموت بخاف انام لا اموت
ببكي في احلامي من غير دموع و لا صوت
..........................
الاختيار
يا ابن ادم الاختيار عدلك و ظلمك اختيار
الرضا و جهللك و علمك
..........................
يا رب
يا رب يا حي يا قيوم حمام الروح علي المبني
يصلي يصوم و لما يقوم بينده ليه علي ولادنا
يا رب يا حي يا قيوم حمام الروح علي المبني
يصلي يصوم و لما يقوم بينده ليه علي ولادنا
........................
في رياض الحسن
في رياض الحسن الرباني انا برا مكاني و زماني
اشجار بتسبح لخالقها و زهور بتطير من بستاني
في رياض الحسن الرباني انا برا مكاني و زماني
اشجار بتسبح لخالقها و زهور بتطير من بستاني
...........................
الدنيا حلم بتحلموه هتندموا لو تفهموه
استغفروا رب العظيم و اتعلموا ازاي تحمدوه
الدنيا حلم بتحلموه هتندموا لو تفهموه
استغفروا رب العظيم و اتعلموا ازاي تحمدوه
.......................
انا اتفطمت من الذنوب و شبعت من قوت القلوب
ومن حلاوه الرضا من الفرحه لما قدرت اتوب
انا اتفطمت من الذنوب و شبعت من قوت القلوب
ومن حلاوه الرضا من الفرحه لما قدرت أتوب
...........................
يا رب العالمين
يا رب العالمين في بحر الطيبين
النيه صافيه جداا و الناس قريبين
يا رب العالمين في بحر الطيبين
النية صافيه جداا و الناس قريبين
.......................
يا ربي انا مكسوف
يا ربي انا مكسوف بزرع في قلبي الخوف
مبقولش كلمه حقي لو شوفت سيف مقصوف
يا ربي انا مكسوف بزرع في قلبي الخوف
مبقولش كلمه حقي لو شوفت سيف مقصوف
............................
نحل الخيال
نحل الخيال بيطن ابليس بيزوم و يزن
ارحمني يا ربي قلبي الضعيف بيأن
نحل الخيال بيطن ابليس بيزوم و يزن
ارحمني يا ربي قلبي الضعيف بيأن
...........................
يا رزاق يا كريم يا عظيم
يا رزاق يا كريم يا عظيم بمشيئتك الشمس نسيم
وبنشبع من لقمه حلال و بحمدك بنعيش في نعيم
يا رزاق يا كريم يا عظيم بمشيئتك الشمس نسيم
وبنشبع من لقمه حلال و بحمدك بنعيش في نعيم
........................
الموت فرح يوم الحساب
الموت فرح يوم الحساب و يا ريت دعائي مستجاب
الموت فرح يوم الحساب و يا ريت دعائي مستجاب
اوعدني يا ربي بلقاك خلصني من طبع القراب
.......................
قلت لنبيا المصطفي
قلت لنبيا المصطفي هو السلام ليه اختفي
صرخ اليمام في الغار و قال عشان مفيش لحطه صفا
قلت لنبيا المصطفي هو السلام ليه اختفي
صرخ اليمام في الغار و قال عشان مفيش لحطه صفا
...............................
يا رب الروح
يا رب الروح انا طيب مع الشرير مع الطيب
ملاذ ليهم و ام و اب و لو بعدو انا قريب
يا رب الروح انا طيب مع الشرير مع الطيب
ملاذ ليهم و ام و اب و لو بعدو انا قريب
..............................
مش خوف من الموت و الحساب
مش خوف من الموت و الحساب ولا عشان اخد ثواب
بلجأ اليك من غير غرض و في حب ربي مفيش عذاب
مش خوف من الموت و الحساب ولا عشان اخد ثواب
بلجأ اليك من غير غرض و في حب ربي مفيش عذاب
...........................
لوصال
والوصال الوصال يا حميد الخصال روحي تسأل بلال و القمر و الهلال
إمتي اصلي و اقول في مقام الرصول لو ينول القبول نسل روحي الحلال
........................
ورق الشجر
ورق الشجر صفق لهم شمس و قمر علي حجرهم
اللي رضيت عنهم يا رب بتمني اعيش في ضلهم
ورق الشجر صفق لهم شمس و قمر علي حجرهم
اللي رضيت عنهم يا رب بتمني اعيش في ضلهم
............................
سر الغيب
سر الغيب في حجاب مستور و انا يا طبيب دايما مغرور
سر الغيب في حجاب مستور و انا يا طبيب دايما مغرور
بدعي يا رب تنور قلبي و تطفي النار يا شكور بالنور
.......................
الخوف مرض
الخوف مرض و الوهم خوف و من الندم ازاي هشوف
رب البصير إيه المصير و الشمس غابت من الكسوف
الخوف مرض و الوهم خوف و من الندم ازاي هشوف
رب البصير ايه المصير و الشمس غابت من الكسوف
.................................................. .........
