ات بخبز الصاج الجاهز :::
سويسرول خبز الصاج :
ملاحظه : تقدرين تستخدمين حشوة الدجاج او الفلافل مع البطاطس وتحطين معها طحينه او اي حشوة انتي تحبينها ( جبن ونعناع -باذنجان وبطاطس - دجاج ..الخ )
الطريقه :
- - تفردين خبزة الصاج وتحطين شويه من الحشوة على طرف الخبزة بالطول
- لفي الخبزة وانتبهي وانتي تلفينها خليها كانها رول مشدودة شويه عشان ماتطلع الحشوة منها .
- قطعي الخبزة على شكل حلقات متوسطه السمك بسكينه حاده
- رتبي الحلقات بصينيه التقديم بشكل مرتب وزيني الطبق بالبقدونس والطماط وحلقات الخيار
وبالعافيه ..
++++++++++++++++++++++++++++++++++++++++++++++++
منتوووووو بخبز الصاج :
الحشووو : حشو اللحم المفروم - اوحشو الدجاج المسحب لو تحبين
اصلصه : بصله مفرومه - فلفل اخضر مقطه قطع صغيرة - نصف حبه ثوم مهروسه - مكعبين ماجي - نصف علبه صلصه طماط
الطريقه :
- قطعي خبز الصاج لشرائح ( حوالي 4 شرائح بالعرض كل شريحه بتكون كافيه لعمل لفتين )
- قسمي كل شريحه بالنصف واحشيها باللحم المفروم على شكل رول .
- صفي الرولات في طبق بايركس .
- - تجهيز الصلصه : حمري البصله في قدر واضيفي لها الفلفل الاخضر ومقدار يعادل 3 اكواب ماء وضيفي باقي المقادير لين يثخن قوامها ..
- اسكبي الصلصه بالتدريج على رولات الخبز وبعدين غطي الطبق بالقصدير وودخليه الفرن تقريبا نصف ساعه او لين تحسين انه الخبز تشرب الصلصه وبداا ينشف شووووي ...
+++++++++++++++++++++++++++++++++++++++++++
وصفات بالخبز العربي:::
سسمبوسه الخبز العربي :
الحشوة المفضله : بطاط مهروس مع خضرة الشبنت او الشبت ورشه ملح او اي حشوة تحبينها مومشكله
تفتحين الخبزة بالنصف ... يعني تصير عندك دائرتين ...
قطعي الخبزة لثلاث مستطيلات ... حطي الحشووة على الجهه النااعمه من الشريحه ولفيها على شكل مثلث ... بيكون الجزء الخشن او الداخلي من الخبزة هو الظاهر .. امسحي كل قطعه بالزيت وعلى جميع جوانبهاااااا وحطيها في صينيه الفرن
ولعي الفرن ودخلي الصينيه لين تحمر القطع .. وشوفيها كيف ألذ وبترقمش اطعم من السمبوسه العاديه ...
++++++++++++++++++++++++++++++++++++++++
عرايس :
لحم مفروم - بصله مفرومه - ثلاث ملاعق بقدونس مفروم - فلفل اسود - سماق - بهارات - حبه ونص ثوم مهرووووس - طماطتين مقطعين قطع صغيرة ما.يونيز
الطريقه
لعمل الحشوة :
حمري البصل وبعدين شيلي القدر عن النار
حطي اللحم المفرووم واخلطيه زين مع البصل وبعدين ضيفي باقي المقادير
- جيبي الخبز العربي واقطعيه بالنصف وامسحي الوجه الداخلي بمقدار قليل من المايونيز واحشي كل قطعه بمقدار ملعقتين من الحشوة .
- جيبي الشوايه العاديه واشوي القطع لين يتحمر الخبز .. لما تخلصين المقدار دخليه الفرن لمده عشر دقايق وقدميه مع الفتوش او التبوله ..
++++++++++++++++++++++++++++++++++++++++++
المسخنه باستخدام الخبز العربي :
هذه تشبه طريقه عمل السمبوسه بس الشكل هو الي مختلف ومثل باقي الوصفات موشرط تلتزمين بحشوة معينه
تقدرين تستخدمين اي حشوة تحبينها مو شرط الدجاج
المقادير :
- كيس خبز عربي الخفيف
- دجاج مسحب بدون عظم ( اغلى الدجاجه بالمويه وبعدها شيلي الجلد والعظم منها )
- رشه فلفل اسود
-نص ملعقه صغيره دارسين او قرفه
- مكعب ماجي
- ملح
- ملعقه بقدونس مفروم
-ملعقتين صلصه طماط
- ملعقه صغيره هيل ناعم
-ملح حسب الرغبه
- عصير ليمونه
- شرائح بصل
للحشو :
- بقدونس مفروم+شرائح بصل مخلوط معها شويه سماق ( او سماك)
الطريقه :
- شوحي شرائح البصل بالزيت وضيفي له الدجاج والبهارات والصلصه وعصير الليمون
واتركيه يطبخ على النار لمده عشر دقايق
- ضيفي ملعقه البقدونس للدجاج وحركي المقدار وارفعي القدر من على النار
- افتحي الخبزة من الاطراف بحيث يصير عندك خبزتين او طبقتين
- خلى السطح العلوي للخبزة هو السطح الناعم بحيث لما تلفين الخبزة يكون السطح الخارجي هو السطح الخشن واحشي كل طبقه بالدجاج وحطي معه شويه من الحشوه ولفي الخبزة على شكل رول
- قطعي الرول الى ثلاث قطع متساويه وبشكل مايل
- صفي القطع بصينيه مدهونه بالزيت وامسحي سطح كل قطعه بالزيت باستخدام الفرشاه واستمري لين تخلصين كل المقدار
- دخلي الصينيه الفرن ( لازم يكون حار ومولعه الشعله العلويه ) وخليكي منتبه عشان ما تتحمر القطع كثير
- وبعدها اقلبي كل قطعه على الوجه الثاني واتركيها تتحمر
- قدميها بطبق التقديم ورشي فوقها شويه بقدونس وبالعافيه يارب ..
++++++++++++++++++++++++++++++++++++++++++++
وأخيــــــــــــــــــــــــــــرا" ....... وصفات بالتوست::
صينيه سندويش الدجاج بالفرن ::
المقادير :
خبز توست - حليب سائل - 2 بيض
الحشوة :
دجاج او لحم مفروم او مرتديلا وجبن الموزاريلا او اي حشوة ثانيه حسب الرغبه وترشين فوقها جبن كرافت مبشور عشان تتماسك
الطريقة :
-اخفقي البيضه مع الحليب السائل
- يصف خبز التوست في صينيه مدهونه بالزيت ( حتى الجوانب ) ثم يصب عليها البيض المخفوق مع الحليب حتى يتشرب
- حطي الحشوة ورشي عليهاا الجبن المبشور ..
- غطى الحشوة بطبقه خبز التوست وصبي عليها البيض والحليب السائل .
- استمري لين يخلص المقدار عندك ورشي على الوجه شويه جبن موزاريلا بعد ماتحطين البيض المخفوق مع الحليب السائل وبعدين دخلي الصينيه الفرن حتى تحمر ثم تقطع وتقدم وهي ساخنه وبالعاااااااافيه انشاااء الله
ملاحظه : لو كان مقدار البيض مع الحليب المخفوق غير كافي تقدرين تضاعفين المقدار.
++++++++++++++++++++++++++++++++
سويسرول الدجاج :::
اولا نجهز حشوة الدجاج
المقادير:
دجاجه مسلوقه منزوع عنها الجلد والعظاام
بصلة+ فصين ثوم (مفرومين)
جزرة مبشورة - ذرة - فلفل اخضر مقطع لقطع صغيرة - ملعقتين بقدونس مفرووم - ملعقه كزبرة ناعمة - رشه فلفل اسود - عصير نص ليمونه - ملح او مكعب ونص ماجي
الطريقة:
نحمس البصل والثوم مع شوي زيت ثم نضيف الدجاج مع نص كوب ماء عشان يتفتت اللحم زيادة وبعدها نضيف باقي المقادير ونخفف على النار لين ينشف المااي .
الفطيرة:
المقادير
3 بيضات
علبة قشطة( التاج او نستلة او بوك...)
علبة وسط جبنة كرافت مبشورة
2 ملعقة صغيرة بيكنج بودر
3 حبات توست منزوعة الاطراف
الطريقه :
نضع في الخلاط الكهربائي:
البيض, القشطة, الجبنة,
بعد ماتمتزج نضيف التوست والبيكنج بودر
نصب الخليط في صينية مدهونةبالزبدة(كثري منها علشان ماتلصق)
ندخلها الفرن ونتركها حتى تستوي وتراها ماتاخذ وقت..نعرف نضجها اذا تماسكت ونشفت..وبعدين نحمرها من فوق..
نفرد قطعة قصدير اكبر من مقاس الصينية( على فكرة هذا المقدار يكفي صينية كبيرة بطول35 سم وعرض 20 )
ندخل الملاس من جوانب الصينية ونحاول نفصل الفطيرة عن الصينية علشان نضمن نزولها بدون تلف
نقلب الفطيرة على القصدير وندهنها بسرعة بملعقة كبيرة مايونيز ثم نفرد الحشوة فوقها بالتساوي
نلف الفطيرة بحشوتها بطريقة السويسرول ونحكم غلق الاطراف بالشد على القصدير ونرجعها للفرن الساخن بدون تشغيل علشان تتماسك من الحرارة
عند التقديم نقطعها حلقات وترص بطريقة جميلة في الصحن مع تزينها بقطع الطماط والبقدونس ورش شويه من جبن كرفت المبشوور او الزعتر
ملاحظه : تقدرين تستخدمين بدل حشوة الدجاااج جبن البقرات الثلاث مع البقدونس وقطع الطماط وبقدونس مفروم وتخلطيهم مع شويه زيت زيتووون ....
المقادير
5 بيضات
+ كوب طحين ابيض+ نصف كوب سكر +2 ملعقه صغيرة بيكنغ باودر+برش ليمونه+كيس واحد جلي النوع الي تفضلي + كريم شانتي
الطريقه
نخفق البيض لدرجه الرغوة ونضيف له السكر ونخفقه الى ان يذوب تمام ونضيف لهم برش الليمون ونخفق نرفعه من الخفاق الكهربائي
ونضيف بالتدريج الطحين ونخلطع بملعقه ونضيف له البيكنغ باودر ونخلطه الى ان يتجانس الخليط
نختار وعاء شوي مربع الشكل وندهنه ونسكب الخليط وندخله الفرن على درجه حراره 200 لمده نصف ساعه تمام
ونخرجه ونتركه يبرد تمام ونرفعه عن الوعاء نأخذ الوعاء ونغسله ونعمل الجلي فيه ونتركه يجمد من بعدها
نجلب الكيكه ونغلفها بالكريم شانتي وبمهاره ناخذ وعاء الجلي ونضعه بماء حار ثواني ونرفعه ونسكبه ببطئ
حتى يغطي الكيكه تمام وندخلها الثلاجه حتى تبرد ويفضل باليوم الثاني تقطعيها
............................................
تشيز كيك بالفراولة •°•
المكونات اللي تحتاجونها والمقادير:
* علبة بسكويت قمح
* 2 ملعقة طعام زبده
* علبه وحده قشطه
* 8 حبات جبن كيري (المكعبات)
* كيس واحد جلي أناناس
-* كيس واحد دريم ويب
* علبتان جلي الفراوله
طريقة التحضير :
* نطحن البسكوت في الخلاط الكهربائي ويخلط في اناء مع الزبده حتى تذوب فيه تماما..
* يرص البسكويت المطحون في قاع قابل للفتح ( القالب الدائري) ويترك ليبرد في الثلاجه..
* لتحضير الكريمه ،، نذوب جلي الاناناس في نص كوب ماي دافي حتي يبرد..
* توضع الجبنه ( 8 مكعبات كيري ) في الخلاط الكهربائي ونضيف القشطه وكيس (دريم ويب) وجلي الاناناس المذاب..
* تخفق جيدا ثم تسكب فوق قاعدة البسكويت في القالب..
ويسوى السطح وتترك لمدة نص ساعه في الثلاجه ( انا حطيته في الفريزر عشان يستوي بسرعه )..
* ثم نذوب جلي الفراوله (علبتين لا تنسون ) ونضعه في ماي دافي ونخليه لين يبرد..
* ثم يصب جلي الفراوله (بهدوء) في القالب ويوضع الكيك داخل الثلاجه لين يستوي..
وعند التقديم نفتح القالب من الجانب و اللي يحب يزين الكيك
بحبات الفراوله او الكرز والكريمه على حسب الاذواق.
.................................................
حلى البسكوت بالاناناس
المقادير
علبة قشطة
2 دريم ويب
1 علبة جلي اناناس كبيرة
2 علبة صغيرة حليب مركز
1 ملعقة صغيرة فانيليا
علبة بسكوت دايجيستيف
2 علبة اناناس
1 علبة جيلاتين بدون طعم او لون
الطريقة
يكسر البسكوت جيدا ويوضع في الصينية
نخلط عصير الاناناس بـ ملعقة جيلاتين ويسقى البسكوت به
يسوى البسكوت في الصينية
توضع فوقه دوائر الاناناس (او من الممكن ان يقطع الاناناس ويوضع لسهولة الاكل)
يذوب الجلي بكوب ماء ثم نخلطه مع باقي المقادير
يسكب الخليط على الصينية فوق الاناناس وتسوى اخر طبقة
تزين بالكريمة وقطع الاناناس الصغيرة ثم توضع في الثلاجة حتى وقت التقديم
